მინიმალიზმი 🧩

ბევრისათვის მინიმალიზმი ნიშნავს სულ რამდენიმე ნივთის ქონას. ასეთი ახსნაც შეიძლება ამ სიტყვას მოეძებნოს (ესეც ერთგვარი სტერეოტიპია), მაგრამ რეალურად, მას თითოეულისთვის განსხვავებული მნიშვნელობა აქვს.

პირადად ჩემთვის, მინიმალიზმი ნიშნავს მსუბუქად ცხოვრებას, სულიერ სიმშვიდეს... ვგულისხმობ გონების "გაწმენდას", იმ რამეების მოშორებას, რაც ზედმეტ ტვირთად აწევს ჩვენს კისერს. ეს შესაძლოა ზედმეტი ნივთების მოშორებასაც ნიშნავდეს, თუმცა, მინიმალისტი მხოლოდ იმ ადამიანს არ ჰქვია, ვისაც, მაგალითად, 34 ნივთი აქვს და მზადაა გასამგზავრებლად, რომ სწრაფად მოემზადოს ნივთებზე უზრუნავად. ვგულისხმობ, "ნივთებზე დამოუკიდებლობას". რას ნიშნავს ეს? ვაღიაროთ, რომ ადამიანებს ზედმეტ ნივთებზე უარის თქმა გვიჭირს. ნივთები ჩვენ უბრალოდ გვიმარტივებს ცხოვრებას. რომც არ დამეთანხმოთ, ეს ფაქტია. წარსულში ადამიანების ცხოვრებას ნივთები გადამწყვეტ მნიშვნელობას არ სძენდა. ადრე მოსახლეობა არ იყო დამოკიდებული ტექნოლოგიაზე, სამკაულებზე, ტანისამოსზე... ეს ყველაფერი დროის გასვლის შემდეგ შეიცვალა.

ზუსტად ამის საპირისპირო დამოკიდებულება შეიძლება ჰქონდეს მინიმალისტ ადამიანს.

მოდით, ასე ვთქვათ: თუ გინდათ ასეთი ცხოვრების წესით იხელმძღვანელოთ, არ არის საჭირო ეგრევე ნივთები მოიშოროთ, ეს დიდ სტრესში ჩაგაგდებთ, რადგან ჯერ თქვენი გადაწყვეტილება კარგად უნდა აწონ-დაწონოთ.

უნდა დაისვათ კითხვა: თქვენთვის რას ნიშნავს მინიმალიზმი?

სიმართლე გითხრათ, მინიმალისტობას თუ გადაწყვეტთ, ბევრი თავიდან ვერ მიხვდება რას გულისხმობთ. ამ სიტყვით თქვენ უბრალოდ ადასტურებთ, რომ ხართ მსუბუქი სულის მქონე ადამიანი სუფთა გონებით, ნივთებზე დამოკიდებულებისგან თავისუფალი.

დიდი მადლობა წაკითხვისთვის!